Error message

  • Notice: Undefined index: und in include() (line 94 of C:\xampp\htdocs\sites\all\modules\site_architect\sa_about_company_page\templates\about_company.tpl.php).
  • Notice: Undefined index: und in include() (line 99 of C:\xampp\htdocs\sites\all\modules\site_architect\sa_about_company_page\templates\about_company.tpl.php).

კომპანიის შესახებ

პირველად საქართველოს სადაზღვევო ბაზრის არსებობის ისტორიაში შეიქმნა კომპანია, რომელიც მხოლოდ ყველაზე მთავარს - ჯანმრთელობას - ემსახურება.

იმედი L  ჯანმრთელობის დაზღვევის კომპანიაა, რომელიც   ყველაზე მსხვილი ჯანდაცვის ჯგუფის წევრია საქართველოში.

იმედი L მაღალი ხარისხის მომსახურებას სთავაზობს მომხმარებლებს.

იმედი L არის:

  • სტაბილური პარტნიორი
  • პროფესიონალთა გუნდი
  • ინოვატორი სადაზღვევო ბაზარზე
  • საუკეთესო სერვისის მქონე
  • საერთაშორისო სტანდარტების შესაბამისი

ჩვენ ვემსახურებით უმთავრეს ღირებულებას - ჯანმრთელ სიცოცხლეს! სიცოცხლის ხანგრძლივობა პირდაპირ უკავშირდება ხარისხიანი სამედიცინო მომსახურების მიღებას, რაც ჩვენთან ერთად ხელმისაწვდომი ხდება.

რა პრინციპებით ხელმძღვანელობს იმედი L?

  • ვზრუნავთ თქვენს ჯანმრთელ სიცოცხლეზე
  • ვქმნით თქვენთვის სრულ კომფორტს
  • ვითვალისწინებთ თქვენს სურვილებს და მოთხოვნებს სადაზღვევო დაფარვებში 
  • უზრუნველვყოფთ პროფესიონალთა გუნდს თქვენს სამსახურში

სწორედ ჯანმრთელობის მაღალხარისხიანი სერვისების შეთავაზების მიზნით შევქმენით პროდუქტების რამდენიმე ხაზი, რომლებიც შესაძლებლობას მისცემს დაზღვეულს გამარტივებული პროცედურების გავლით მიიღოს მაღალი ხარისხის სამედიცინო მომსახურების ფართო სერვისები. 

რას მიიღებთ, თუ აირჩევთ იმედი L - ს?

  • უპრეცედენტო სადაზღვევო პროდუქტს საქართველოს ბაზარზე
  • მაქსიმალურ კომფორტს და მარტივ სქემებს მომსახურების პროცესში
  • ოპერატიულ სადაზღვევო მომსახურებას
  • სამედიცინო სერვისების ხელმისაწვდომობას წამყვან კლინიკებში
  • დაზღვევას მინიმალური გამონაკლისებით

ჩვენი ჯგუფი:

GEORGIA HEALTHCARE GROUP არის უმსხვილესი ვერტიკალურად ინტეგრირებული კერძო ჯანდაცვის პროვაიდერი საქართველოში სწრაფად მზარდ ჯანდაცვის სფეროში. ჯგუფი ახორციელებს სინერგიულ ბიზნეს მოდელს, რომელიც ჯანდაცვის მომსახურებებისა და ჯანმრთელობის დაზღვევის ინტეგრირების შედეგია. GHG ძირითადად ორიენტირებულია მასობრივ საბაზრო სეგმენტზე ჰოსპიტალური ქსელით, რომელიც მოიცავს 2,100-ზე მეტ საავადმყოფოს საწოლს, ასევე 39 სამედიცინო დაწესებულებას; აქვს უდიდესი რეგიონული დაფარვა, რაც მოიცავს სამ მილიონ ადამიანზე მეტს, ანუ საქართველოს მოსახლეობის დაახლოებით ორ მესამედს. ჯგუფი ასევე ახორციელებს ჯანმრთელობის დაზღვევის საქმიანობას. იგი ჯანდაცვის მომსახურებებს სთავაზობს “ევექსის” (www.evex.ge), ხოლო ჯანმრთელობის დაზღვევას “იმედი L–ის" სახელით (www.imediL.ge). 

ჩვენ ვსაქმიანობთ შემდეგ ოთხ სეგმენტში:  

რეფერალური ჰოსპიტალები:  მასში შედის 14 რეფერალური (მრავალპროფილური ან სპეციალიზირებული) ჰოსპიტალი, საწოლების საერთო რაოდენობა 2014 წლის 30 დეკემბრის მდგომარეობით შეადგენს 1,679-ს.  აღნიშნული ჰოსპიტალები მდებარეობს ქ. თბილისში და რეგიონის მთავარ ქალაქებში, ისინი უზრუნველყოფენ მეორეული ან მესამეული დონის ამბულატორიული და სტაციონარული დიაგნოსტიკას, ქირურგიულ მომსახურებებს და მკურნალობას. რეფერალურ ჰოსპიტალებს პაციენტებისთვის ცენტრების ფუნქცია აქვს მოცემული რეგიონის ფარგლებში.

საერთო პროფილის საავადმყოფოები: მასში შედის საერთო ტიპის (მრავალპროფილური) 19 პატარა საავადმყოფო (მედპუნქტი), მთლიანობაში 461 საწოლით 2014 წლის 31 დეკემბრის მდგომარეობით. საერთო პროფილის საავადმყოფოები მდებარეობს რეგიონის ქალაქებში ან მუნიციპალიტეტებში და უზრუნველყოფს საბაზო ამბულატორიულ და სტაციონარულ დიაგნოსტიკას, ქირურგიულ მომსახურებებს და მკურნალობას ადგილობრივი მოსახლეობისთვის. ისინი ასევე აგზავნიან პაციენტებს რეფერალურ ჰოსპიტალებში მეორადი ან მესამეული დონის მკურნალობისთვის.

ამბულატორიული კლინიკები: ამბულატორიული კლინიკები არის საერთო პროფილის ან სპეციალიზირებული კლინიკები, რომლებიც უზრუნველყოფს ამბულატორიულ დიაგნოსტიკას და მკურნალობას და ზოგ შემთხვევაში ყოველდღიურ სამედიცინო მომსახურებას, წინასწარი ჩაწერის გარეშე. აღნიშნული კლინიკები მდებარეობს თბილისში და მთავარ ქალაქებში. ჯგუფი მთლიანობაში ამოქმედებს ექვს ამბულატორიულ კლინიკას, მათგან ორი მდებარეობს ქ. თბილისში 2014 წლის 31 დეკემბრის მდგომარეობით.

ჩვენი მისია

ჩვენ ვემსახურებით უმთავრეს ღირებულებას  - ჯანმრთელ სიცოცხლეს! პროგრესული მიდგომით, ცოდნითა და გამოცდილებით, უნიკალური პროდუქტების ხაზების შექმნით  ჩვენ ვაჯანსაღებთ სოციალურ ფონს ქვეყანაში, რითაც ვქმნით ისეთ გარემოს, რომელშიც თანამშრომელი, დაზღვეული და ინვესტორი მოგებულნი რჩებიან.

ჩვენი ხედვა

ჩვენ ვემსახურებით ღირებულ საქმეს, ვამკვიდრებთ ჯანმრთელობაზე ზრუნვის ტენდენციას ქვეყანაში. ჩვენ ვქმნით ისეთ საზოგადოებას, რომელიც ხვდება, რომ ყველაზე მნიშვნელოვანი ინვესტიცია სწორედ თავისი, ოჯახის წევრების და ახლობლების ჯანმრთელობაზე ზრუნვაა. ჩვენ მივისწრაფვით, რომ ქვეყანაში ყოველი მეორე მოქალაქე იყოს ჯანმრთელობის დაზღვევის პოლისის მფლობელი.  

ვინ ვართ ჩვენ?

ჩვენ ვართ ყველაზე მსხვილი ჯანდაცვის ჯგუფის წევრი საქართველოს ბაზარზე. ჩვენ ვართ ყველაზე პროგრესული კომპანია, რომელსაც აქვს რესურსი და გამოცდილება თანამშრომელთა ძალისხმევით სწორად მართოს და იზრუნოს ადამიანთა ჯანმრთელობაზე. ჩვენ ყოველთვის ვაღწევთ დასახულ მიზანს!

ბრენდის ისტორია

2014 წლის ივლისის ბოლოს სადაზღვევო კომპანია ალდაგმა დაასრულა რეორგანიზაციის პროცესი და ჯანმრთელობისა და ქონების დაზღვევის მიმართულებები ერთმანეთისაგან გამიჯნა.

ჯანმრთელობის დაზღვევის მიმართულებით სადაზღვევო კომპანია იმედი L მუშაობს. ხოლო, რაც შეეხება ქონების დაზღვევის ხაზს, ამ მიმართულებით სადაზღვევო კომპანია ალდაგი განაგრძობს მუშაობას. იმედი L-ის ბრენდის დაბრუნება ჯანმრთელობის დაზღვევის ბიზნესში მისმა დადებითმა რეპუტაციამ და მაღალმა ცნობადობამ განაპირობა.

ბრენდის მისია

მშვიდი, ჯანმრთელი სიცოცხლე პირდაპირ კავშირშია ხარისხიანი სამედიცინო მომსახურების მიღებასთან,  იმედი L კი პირველი კომპანიაა საქართველოს ბაზარზე, რომელიც სწორედ ყველაზე მთავარს - ჯანმრთელ სიცოცხლეს - ემსახურება.  

ბრენდის სიმბოლო

იმედი L-ის ბრენდის გაცოცხლებამ მოითხოვა ბრენდის იდენტობის, საკომუნიკაციო ენის შეცვლა. გადახალისებულია ყვითელი და ცისფერი ფერთა გამა.

ყვითელი ფერი ასოცირებულია ბედნიერებასთან, იმედთან, ცისფერი კი სიმშვიდესა და ჰარმონიასთან, ხოლო მათი ერთობლიობა სრულად გამოხატავს იმედი L -ის ღირებულებებს.

ლოგოში გამოყენებული „L“ სიმბოლოს მრავალფეროვანი დატვირთვა აქვს. "L" აერთიანებს დადებითი მუხტის მატარებელ, „ელ-ზე" დამთავრებულ სიტყვებს, როგორებიცაა: ჯანმრთ L , მზრუნვ L , უცხოენოვან თარგმანში კი ჟღერს როგორც: L ive, L ife , L ive Healthy.

იმედი L -ის ი ლოგო არის ბრენდული ცისფერი ფოტოლოგო, რაც გულისხმობს, რომ იგი არ არის სტატიკური და გამოიყენება კომბინაციაში განწყობის შემქმნელ ბრენდულ ყვითელ ფოტოებთან ერთად, რომელზეც დატანილია სლოგანები L სიმბოლოს ინტეგრირებით.

ფინანსური მონაცემები

2017 წლის მესამე კვარტლის ფინანსური და სტატისტიკური ანგარიშგება

2016 წლის აუდიტორული დასკვნა

 

საქართველოს დაზღვევის სახელმწიფო ზედამხედველობის სამსახურის 2016 წლის მონაცემებით, იმედი L წმინდა გამომუშავებული პრემიის მიხედვით ჯანმრთელობის სადაზღვევო ბაზრის 35.33%-ს ფლობს.

 

 

    

    

გივი გიორგაძე - გენერალური დირექტორი

გივი გიორგაძე სადაზღვევო კომპანია იმედი L-ის გენერალურ დირექტორად 2016 წლის 1 ივლისს დაინიშნა.

გივის საქართველოს საბანკო და სადაზღვევო სექტორში მუშაობის 13 წელზე მეტი გამოცდილება აქვს.
 

2004-2005 წლებში იგი ხელმძღვანელობდა „ბი სი აის“ გაყიდვების ოფისს. 2005 წელს გივი დაინიშნა „ბი სი აის“ კორპორატიული გაყიდვების დეპარტამენტის დირექტორად.

2007-2008 წლებში გივი ხელმძღვანელობდა მომხმარებელთა მომსახურების დეპარტამენტს „ენერგო პრო ჯორჯიაში“.

2008-2011 წლებში გივის ეკავა „საქართველოს ბანკის“ პირადი ბანკირების სამსახურის უფროსის თანამდებობა, ხოლო 2013-2015 წლებში „საქართველოს ბანკის“ ინვესტიციების მართვის ხელმძღვანელის მოადგილის თანამდებობაზე მსახურობდა.
 

2003 წელს გივიმ დაამთავრა თბილისის ივანე ჯავახიშვილის სახელობის სახელმწიფო უნივერსიტეტის საერთაშორისო სამართლის ფაკულტეტი, ხოლო 2013 წელს მან დაიცვა მაგისტრის ხარისხი ინგლისში, CASS ბიზნეს სკოლაში, ფინანსებისა და ინვესტიციების განხრით.

კახა ოზაშვილი - საოპერაციო დეპარტამენტის დირექტორი

კახა ოზაშვილი 2016 წლის ივლისიდან დაინიშნა იმედი L-ის საოპერაციო დეპარტამენტის დირექტორად.

2014 წლიდან 2016 წლის ივლისამდე ხელმძღვანელობდა ­­­შესაბამისობის და შიდა კონტროლის განყოფილებას, ხოლო 2013-2014 წლებში იყო საოპერაციო რისკების მენეჯმენტის გუნდის დირექტორი.

ასევე, მას აქვს საოპერაციო რისკების ოფიცრისა და აუდიტორის პოზიციებზე მუშაობის გამოცდილება.

კახა სწავლობდა ESM-ის ბიზნეს სკოლაში და მიღებული აქვს ბაკალავრის დიპლომი.
ასევე, მიღებული აქვს კავკასიის სამართლის სკოლის სერტიფიკატი პერსონალური ინფორმაციის დაცვის მიმართულებით.

დათო დათუსანი - კორპორატიული გაყიდვების დეპარტამენტის დირექტორი

2015 წლის 1 ივლისიდან არის კორპორატიული გაყიდვების დეპარტამენტის დირექტორი.

2002 წლიდან მუშაობდა სადაზღვევო კომპანია ბისიაის გაყიდვების დეპარტამენტში, ხოლო 2006 წლიდან სადაზღვევო კომპანია ალდაგი ბისიაის ჯანმრთელობის გაყიდვების განყოფილების უფროსის თანამდებობას იკავებს.

მას ასევე აქვს ოჯახის ექიმისა და, ასევე, სასწრაფოს ექიმის პოზიციებზე მუშაობის გამოცდილება.

იგი კითხულობს ლექციებს „ჯიპაში“ გაყიდვების მენეჯმენტის მიმართულებით.

დათოს დამთავრებული აქვს სამედიცინო ინსტიტუტ „საქართველოს“ სამკურნალო ფაკულტეტი.

 

სერგო საყვარელიძე - ზარალების მართვის დეპარტამენტის დირექტორი

2014 წლის 1 აგვისტოდან სერგო საყვარელიძე იკავებს ზარალების მართვის დეპარტამენტის დირექტორის თანამდებობას.
იგი წლების მანძილზე მუშაობდა სასწრაფო სამედიცინო დახმარების ცენტრში, ასევე, სადაზღვევო კომპანია ჯიპიაი ჰოლდინგში, 2008 წლის 1 სექტემბრიდან სადაზღვევო კომპანია ალდაგი ბისიაიში სამედიცინო შემთხვევების ექსპერტიზისა და მონიტორინგის განყოფილების უფროსის თანამდებობას იკავებს, შემდეგ კი  - ჯანმრთელობის ზარალების განყოფილების უფროსის პოზიციას.

სერგო სწავლობდა თბილისის სახელმწიფო სამედიცინო უნივერსიტეტში სამკურნალო ფაკულტეტზე.
მას გავლილი აქვს თავისუფალი უნივერსიტეტის კურსები ბიზნეს ადმინისტრირებაში და ზოგადი მენეჯმენტის კურსი აღამასრულებელი დირექტორებისთვის.

ნინო თათარიშვილი - მომხმარებელთან ურთიერთობის მართვის დეპარტამენტის დირექტორი

2014 წლის 1 აგვისტოდან დაინიშნა იმედი L-ის მომხმარებელთან ურთიერთობის მართვის დეპარტამენტის დირექტორად.

2010 წლიდან ნინო თათარიშვილი ხელძღვანელობდა ალადაგი ბისიაის მომხმარებელთან ურთიერთობის განყოფილებას.

2008 წლიდან ის გახლდათ თიბისი ბანკის ერთ-ერთი ფილიალის დირექტორი.

2002 წლიდან ნინო მუშაობდა თიბისი ბანკში, ხოლო 2005 წლიდან ამავე ბანკში იკავებდა სხვადასხვა მენეჯერულ პოზიციას მომხმარებლებთან ურთიერთობის მიმართულებით. 

მიღებული აქვს  ბიზნეს ადმინისტრირების ბაკალავრის ხარისხი კავკასიის ბიზნეს სკოლაში. ნინოს აქვს 13 წლიანი სამუშაო გამოცდილება ფინანსურ სფეროში.

მაიკო ივჩენკო - საზოგადოებასთან ურთიერთობისა და მარკეტინგის დეპარტამენტის დირექტორი

საზოგადოებასთან ურთიერთობისა და მარკეტინგის დეპარტამენტის დირექტორის თანამდებობაზე მაიკო ივჩენკო 2014 წლის 1 აგვისტოს დაინიშნა.

2008-2014  წლებში მაიკო ივჩენკო საზოგადოებასთან ურთიერთობის განყოფილების უფროსის თანამდებობას იკავებდა ალდაგში, 2006-2008 წლებში ალდაგი ბისიაის საზოგადოებასთან ურთიერთობის მენეჯერი იყო. 2003-2005 წლებში მუშაობდა საქართველოს სოფლის მეურნეობის სამინისტროში საზოგადოებასთან ურთიერთობის განყოფილების ხელმძღვანელად.

მან დაამთავრა თბილისის ტექნიკური უნივერსიტეტი და მიიღო PR სპეციალისტის ბაკალავრის დიპლომი.

2007 წელს გაიარა ტრენინგები ქართულ-ამერიკული უნივერსიტეტის (GAU) PR სკოლაში.

)